Bisita Nafarroako antzerki eskolara eta Txiki Parkera

2022/11/10

 

Egun on familiak!

Joan den asteazkenean, azaroak 9, ikastetxe osoa Iruñera joan ginen. Badakizue asko gustatzen zaigula bisitak egitea!

Lehen Hezkuntzako gelak, Nafarroako antzerki eskolara (ENT) joan ginen, eta Pablo Barrioren "Dzist- Dzast" ikusi genuen. Antzezlana oso interesgarria izan zen, haurrei zuzendutako antzerki testuen 2021eko saria irabazi baitzuen, euskara modalitatean.

"Dzist-Dzast!", elkarrekin bizi diren hiru belaunalditako familia baten istorioa kontatzen digu. Txikienak, Maialenek, ez du ulertzen zergatik dagoen ama hain nekatuta eta hainbeste lan egiten duen. Zergatik ez du dena uzten eta berari gustatzen zaion bezala idazten? Horrela, Maialenek ez luke amona hainbeste zaindu beharko eta lagunekin jolastu ahal izango luke. Bide batez, amonak dioenez, zazpi itsasoetako pirata ezaguna eta Patakon pirata ospetsuaren laguna da. Mila pasadizo ditu beti kontatzeko...

Haur hezkuntzako ikasleek Takonera parkean paseatzeko eta bertan bizi diren animaliak ikusteko aukera izan zuten. Gainera, hamaiketakoa hartu genuen eta gero geltoki zaharreko parkean jolasean aritu ginen. Oso entretenigarria!



Driveko karpetan duzue gure goiza Iruñean nola izan zen erakusten duen lagin bat.

Ondo izan!