Iturgoienera irteera

2022/01/28

Iturgoienera bisita

Autobusa hartu eta Iturgoienera joan ginen eskola guztia. Lehenengo paseotxo bat eman genuen artaldea zegoen tokiraino. Han, Adurrek eramandako ogia eman genien ardiei. Gero, ukuilura igo ginen Miriam eta Mikelekin. Hauek ateak ireki zizkiguten ardiekin egon ahal izateko.

Geroago, hamaiketakoa jan genuen handik, eta, amaitzean, oinez hurbildu ginen herriko plaza nagusira. Bertan Miriam eta Mikelen gaztandegia bisitatu genuen. Hauek gazta nola egiten zuten kontatu ziguten eta ondoren bertan egiten dituzten produktuetako batzuk probatzeko aukera eman ziguten: gazta, gatzatua, gaztanbera...Goxo-goxoa zegoen dena!