Adur asteko protagonista

2023/03/16

Kaixo familiak,

Aste honetan Adurren ama eta aitaren lanbideak gertutik ezagutzeko aukera izan dugu, protagonista izan baita. Aita tabernaria da, eta bere tabernan dituen hainbat gauza ekarri eta erakutsi dizkigute gela girotzeko, koloretako argiak, norbait sartzen denean jotzen duen tinbrea, musika entzuteko altaboza edota mikrofonoa, eta honekin karaoke moduan abesten egon gara. Gainera, tinbrea jo, kartetan jolastu eta zukua ere edan dugu. Adurren ama Joanak, bere herriko alkatea izateaz gain, etxean egiten du lan janaria prestatzen, garbitzen, gauzak prestatzen... eta lan honen garrantzia azpimarratu digu. Oso ondo pasa dugu, eskerrik asko Joana eta Javier!